Hnahthial-ah Inter Dist Jr Football C'ship an ṭan

Inter District Junior Football Championship 2022 chu nimin aṭang khan Hnahthialah khelh ṭan a ni a, May 9 thleng a awh ang. Inelnaah hian district 11 an tel a, group paliah ṭhen darh an ni. Inelna hi Voltas Malsawm House-in a sponsor a, YouTube channel 'Lushai Production'-ah a en theih.

Group A-ah Khawzawl, Lunglei leh Kolasib te an awm a, nimin khan Khawzawlin 4-2 in Lunglei an hneh. Group khat aṭangin team pakhat chauhin semifinal an luh dawn avangin Lunglei tan group stage paltlang a har tawh dawn.

Group B-ah Serchhip leh Saitual te 2-2 in an inhnehtawk a, Siaha an la inlan lo. Vawiin hian Serchhip leh Siaha te an inkhel dawn a, chak zawk an awm a nih pawhin semifinal khel tur hre turin match hnuhnung ber nghah a ṭul ang.

Group C-ah inelna thlengtu Hnahthialin Lawngtlai 1-0 in an hneh lo. Lawngtlai hian vawiin chawhma dar 11:00 hian Mamit an hmachhawn dawn a, hnehna an chang a nih chuan Hnahthial tan besei tur a awm tawh lo ang.

Group D-ah Aizawl leh Champhai chiah an awm a, team pahnih hi vawi hnih an inkhel ang a, aggregate-a chak zawkin semifinal an lut dawn. Vawiin hian match hnih an khelh tura hmasa zawk an khel ang.