Taekwondo exam an nei

Hripui leng avanga hun rei tak an buatsaih theih loh hnuah, Mizoram Amateur Taekwondo Association chuan nimin khan 1st Session Colour Belt Exam chu a buatsaih leh ta. Exam bul ṭanna Aizawl leh Lunglei district-ah neih niin, club 12 aṭangin taekwondo zirlai 161 in ṭha takin an paltlang.

Exam neihna pui ber Aizawlah yellow belt aṭangin red belt inkar mi 129 ten exam an nei. Black belt exam thei tura inbuatsaih mek mi pakua ten MATA Hall, Republic Vengthlangah Red-1 exam an bei thung.

SAI Extention Centre, Lungleia exam buatsaihnaah zirlai 23 ten colour belt hrang hrang pass tumin exam an bei bawk.

Colour belt Exam-ah hian physical fitness, basic technique, hand & leg technique, poomsae, self defence, sparring, breaking, speed endurance te an exam.

Colour belt exam hi kar tawp hian Mamitah buatsaih a ni leh ang a, kar lehah Kolasib, Lawngtlai leh Siahaah te exam buatsaih chhunzawm a ni bawk ang.