Zaninah Kohli Vs Dhoni

Indian Premier League-ah champion lai Chennai Super Kings-in result ṭha an neih theih loh avangin Mahendra Singh Dhoni chu captain hna an chelhtir leh a, Sunrisers Hyderabad an hneh nghal. Chennai hian zanin dar 7:30-ah Royal Challengers Bangalore an hmachhawn dawn.

Bangalore hian pangana dinhmun an luah mek a, India captain hlui Virat Kohli-a'n a chet ṭhat theih loh avangin sawisel hlawh mah se match hnuhnung bera Gujarat Titans nen an inkhelh ṭumin half century a rawn siam leh tawh. Dhoni captain-na hnuaia khel Chennai leh Kohli telna Bangalore inkhel tur hi en a châkawm.