Central YMA Cricket-ah boruak a sang ṭan

Central YMA leh Cricket Association of Mizoram buatsaih 11th Inter Branch Cricket Tournament-ah last 16 khelh mek a ni a, team ṭha an inlan ṭan avangin boruak pawh a nung ṭha hle.

Zemabawk leh Luangmual te quarterfinal an lut tawh a, nimin khan Chatlang, Hunthar, Chanmari leh Armed Veng ten an khingpui ṭheuh hnehin a sang pariat zingah an inhlangkai.

Ruahsur vanga buaina
Ruahsur vangin Durtlang khelmualah a inkhelh theih lo a, vawiin hian Ramhlun Sports Complex-ah khelh a ni ang. Chawhma dar 9:00-ah Durtlang leh Ramhlun South ten an khelh hmabak an chhunzawm ang a, 2007 champion Durtlang hian over 18-ah 135/7 runs an siam avangin chak turin an dinhmun a ṭha.

Chawhnu dar 1:00-ah vawi li champion tawh leh champion lai Ramhlun Venglai leh Govt Complex te an inkhel bawk ang.

Boruak a nung
Vawi li champion tawh Chanmari chu tun inelnaa an inlan hmasak berah Sihphir lakah an chesual teuh hle. Sihphir hian bat hmasain 119/10 an siam a, Chanmari opener-te run siam loin pavillion-ah an kir.

Chanmari chak lo thei dinhmunah an ding a, amaherawhchu tawnhriat nei ṭha Lalfakzuala Renthleiin ball 12 lekah 14 runs rawn siamin over tawp berah hnehna a chanpui.

Champion hmasa ber Armed Veng pawhin Maubawk lakah 66 runs chauh an siam a, tla thei dinhmunah an ding. Maubawkin result danglam an thlentir dawn niin lang mah se Armed Veng-in an bowler Sawmtea (14/3), Moia Kholhring (4/2) leh Lalrinchhana Sailo (3/2) te hmangin hnehna an chang.

Inkhel dangah Huntharin seeded team zinga mi Ramthar Veng an hneh a, Chaltlang erawhin harsatna nei loin Tuikual South an hneh thung.

Vawiin Inkhel Tur
Khelmual : Ramhlun Sports Complex
Durtlang 9:00 AM Ramhlun South
Ramhlun Venglai 1:00 PM Govt Complex

Nimin Inkhel Result
Khelmual : Durtlang
Durtlang Vs Ramhlun South
Ramhlun South-in chak turin ball 90-ah 133 runs an mamawh
Durtlang 135/7 (18.0)
Henry 31 (28)
Duhsaka Aineh 26 (34)
Lalruatdika 24/2
TL Tluanga 33/2

Ramhlun South 3/0 (3.0)
H.Lallawmawma 1* (12)
C. Lallawmsiama 0 (6)
Ramhlun Venglai PSTP Govt Complex

Note : Ruahsur vangin inkhelh zawh theih a ni lo a, vawiin hian Ramhlun Sports Complex-ah khelh chhunzawm a ni ang.

Khelmual : Mualpui
Hunthar bt Ramthar Veng
Hunthar wicket 10-in an chak
Ramthar Veng 71/10 (19.4)
F. Lallawmkima 26 (28)
Mangila Sailo 12 (18)
Lalhruaitluanga Vuite 9/2
Vanneitluanga 10/2

Hunthar 73/0 (7.5)
B. Lalnunfela 53 (31)
Lalrinmawia Kawlni 9 (17)
B Lalchhuanawma 12/0
Lalrinmawia 17/0

Chanmari bt Sihphir
Chanmari wicket thumin an chak
Sihphir 119/10 (20.0)
C. Vanlalthafamkima 59 (35)
Reuben Lalnunnema 13 (16)
Lalfakzuala Renthlei 11/2
Zoremliana 33/2

Chanmari 123/7 (19.2)
Zothansanga Ralte 35 (44)
Zothantluanga 22 (21)
Samuel Vanlalpeka 22/2
Lalnunhlua 19/2

Khelmual : Ramhlun Sports Complex
*Armed Veng bt Maubawk
Armed Veng 12 runs-in an chak
Armed Veng 66/10 (11.4)
Vanchuangpuia 21 (10)
H Lalramhlimpuia 17 (23)
K Lalthazuala 5/3
Mpa Pachuau 5/2

Maubawk 54/10 (14.3)
Lalhumhima 16 (30)
K Lalthazuala 14 (22)
Sawmtea 14 (3)
Lalrinchhana Sailo 3 (2)

Chaltlang bt Tuikual South
Chatlang wicket kuain an chak
Tuikual South 91/10 (17.4)
Lalrempuia 22 (28)
Rk Lallungmuana 16 (15)
Lalramnunsiama 11/6
Bobby Zothansanga 23/3

Chaltlang 93/1 (12.0)
Lalrindika 40 (44)
Joseph Lalmuanpuia 36 (28)
Lalnunenga Pachuau 18/1
Laltlansanga 7/0