Inter Dist Jr Football C'ship

Lawngtlaiin semifinal an lut

Inter District Junior Football Championship 2022-ah Lawngtlai chuan match hmasa bera inelna thlengtu Hnahthial an hneh hnuin nimin khan Mamit 6-1 in an sawp a, semifinal lut hmasa ber a ni. Group khat aṭangin team khat chiah luh tur a nih avangin Hnahthial an tla.

Group D-ah Aizawl leh Champhai chiah an awm a, ṭum hnih an inkhel dawn. Aizawl hi nimin khan 3-0 in an chak a, semifinal lut turin an dinhmun a ṭha. Group A-ah Khawzawl-in Lunglei 4-2 in hneh mah se nimin khan Kolasib lakah 4-2 in an tlawm a, Kolasib dinhmun a ṭha ta ber.

Group B-ah Serchhip leh Saitual 2-2 in an inhnehtawk tawh a, nimin inkhelah Siaha-in Serchhip 3-2 in an hneh. Serchhip-in hun tawp dawna penalty an hlah avangin an tla. Vawiina Saitual leh Siaha inkhel a pawimawh ang.

Nimin Inkhel Results
May 4, Nilaini
Aizawl 3 - 0 Champhai
AIZ : Lalremruata 52'; Amosa Vanlalruata 76', 80'
Mamit 1 - 6 Lawngtlai
MAM : Freddy Lalchhuanawma 30'
LAW : V. Lalhmingmuana10', 45+1', 75'; Ricky Vanlalhriatsanga 17', Nicholas Ngurthansanga 27', 53'
Kolasib 4 - 2 Khawzawl
KOL : C. Vanlalhriatpuia 4', 28'; Moses Vanlalduhsaka 33'; Lalngaihsaka 74'
KHA : Vannunsanga 23'; Zodingpuia 89'
Siaha 3 - 2 Serchhip
SIA : Elisa Lalchamliana 16'; S. John Litas 56'; Calvin Siakhel 89'
SER : Lalruatsanga 5', 53'
Vawiin Inkhel Tur
Hnahthial 9:00AM Mamit
Lunglei 11:00AM Kolasib
Saitual 1:00PM Siaha
Champhai 3:00PM Aizawl

Semifinal - May 7, Inrinni

Final - May 9, Thawhṭanni