Muller tan contract thar

Thomas Muller chuan Bayern Munich tan contract a ziak thar. German champion nen hian kum 2024 thleng daih inremna an ziak, Germany international hian kum 10 mi lek a nih laia a zawm club tan a khel rei ta hle.

Kum 32 mi Muller chuan, "Kum 2000 khan youth team ka zawm a, ka ni hmasa ber aṭanga vawiin thleng hian thawnthu kan ziak hnem ta hle. Bayern nena hmalam hun kan thlir chhunzawm thei tur hi ka lawm," tiin a sawi.

Bavarians tan Bun-desliga nomawi 11 ngawt a chawi tawh a, record nei ṭha ber a ni. Club tan hian match 624 aṭanga goal 226 khungin assist vawi 242 a nei bawk. Ram tan pawh match 112 khel tawhin 2014 World Cup-ah an champion a, sulhnu a nei ṭha takzet.

Bayern chief executive Oliver Kahn chuan, "Thomas Muller hi chuan Bayern Munich thinlung a pu, a nunah Bayern hi a bet tlat a, chu thil chu pawn lamah pawh a lantir," tiin a sawi.

Bayern player pawi-mawh zingah captain Manuel Neuer, striker Robert Lewandowski leh winger Serge Gnabry ten kum 2023 thleng daih chauh contract an nei tawh, indawrna awm mek mah se anni pathum hian contract thar an la ziak lo thung.