Season tawp hmain Maguire a rawn kir thei ang - Rangnick

Manchester United manager lailawk Ralf Rangnick chuan season tawp hmain captain Harry Maguire a rawn let a beisei thu a sawi. Thawhṭanni zan khan Man United hian Brentford 3-0 in an hneh a, tunkar tawp hian Amex Stadium-ah Brighton an hmachhawn ang.

German manager Rangnick chuan, "Harry Maguire hi a chhawr theih kan la beisei. Chumi tur chuan tunkar chhoah training a nei theih a pawimawh," tiin a sawi a, Jadon Sancho pawh a rawn kir a nih chuan league match hnuhnung ber a nih tur thu a sawi bawk.

Man United hian May 7-ah Brighton an hmachhawn ang a, an chawlh vang vang hnuah Crystal Palace nen May 22 hian league match hnuhnung ber an khel ang. Season tawp rualin director of football negotiations Matt Judge-a'n a hna a chawlhsan dawn. Rangnick-a'n transfer awm thei angte sawi tawh mah se thutlukna tawp erawh manager thar Erik ten Hag-a'n a siam ang.