Kevin Anderson a chawl ta

South African tlangval Kevin Anderson chuan tennis a chawlhsan, kum 35 mi a ni. ATP Tour singles title pasarih la tawhtu hi hliamin a tlak buak ve reng a, a kum a tam ve tawh bawk avangin professional tennis a mangṭha.

Anderson hi 6ft 8in zeta sang a ni a, a service ṭha leh na tak chu mi ten an hriatreng tawh tur a ni ang. 2017 US Open leh Wimbledon 2018 ah khan final a lut, mahse Rafael Nadal leh Novak Djokovic a ngam lo.

Anderson chuan, "Ka naupan lai chuan ka pa in heti hian min hrilh. Hlawhtlinna hi result aṭanga teh vek tur a ni lo, mahni theihna sang ber thleng turin engtin nge kan beih tih leh, theihtawp kan chhuah dan hi a pawimawh zawk chu a ni.

"Tennis tan ka theih-tawp ka chhuah, keimaha ṭha ber ka chhawp chhuak. Tennis huanga ka chanchin a inziak ve hi ka lawm, hringnun zirlai tam tak ka zir chhuah phah," a ti a, kum 15 a chamchilh tawh professional tennis a thlah.