Punjab Kings-in Gujarat Titans an hneh

Indian Premier League khelh mekah Punjab Kings chuan playoff khelh beiseina chhi nung turin Thawhlehni zan khan hmahruaitu Gujarat Titans chu wicket riatin an hneh a, ball 24 an dah bang bawk. Gujarat hian bat hmasain 143/8 chauh an siam a, Punjab hian over 16-ah 145/2 in an chhanglet.

Dr. DY Patil Sports Academy, Navi Mumbai-ah Titans top order Wriddhiman Saha (21) leh Sai Sudharsan (65*) te che chhe lo mah se Punjab bowler Kagiso Rabada an ngam lo.

South African bowler Rabada hian wicket li lain 33 runs chauh an pe a, Titans hian 143 runs chauh an siam phah. Punjab tan Shikhar Dhawan (62*), Bhanuka Rajapaksa (40) leh Liam Livingstone (30*) te che ṭhain over 16-ah 145 runs siamin hnehna an chang.

Zanin dar 7:30 hian Delhi Capitals leh Sunrisers Hyderabad te an inkhel ang.