Cavani-a'n UCL khel dawn lo?

Paris Saint-Germain tana goal khung hnem ber Edinson Cavani leh Thomas Meunier te chuan Paris-ah tun season hman tluan an tum lo niin khawthlang media lamin an tarlang.

PSG player pahnih hian June thla thleng daih chauh contract an nei a, an pawtsei dawn lo tih a chiang tawh. Ligue 1 champion hian Champions League quarterfinal bakah French Cup leh League Cup khelh tur an la nei.

Coronavirus vangin football a khaihlak nasa a, ram dang ang bawkin France-ah pawh season danga an zawh hun pangngaiah an zo thei lo. Contract hmang zo tur Thiago Silva leh Layvin Kurzawa te erawhin hun rei lote chhung atan an cham hun chhung an pawhsei hmel.

Uruguay international Cavani hian 2013 khan Napoli aṭangin PSG hi a zawm, Ligue 1 tan hian inelna hrang hrangah match 301 khelin goal 200 a khungsak hman. Season sarih chhungin league nomawi vawi ruk a chawipui thei a ni.