Dhoni-a'n batter a sawisel

Chennai Super Kings an che fuh thei lo, legend MS Dhoni chuan tun season kal laia an result ṭhat tawk loh chhan chu an batter-ten an hna an tlin tawk loh vang niah a ngai, insiamṭhat an mamawh hle.

Nilaini zan Indian Super League inkhelah Dhoni awmna Chennai Super Kings (160/8) hi Royal Challengers Bangalore (173/8) lakah 13 runs-in an chak lo. Tun season-ah match 10 an khelh aṭangin vawi thum chiah chak an la nei.

CSK lamin target umphak tura ngaih an umphak thei lo. India captain hlui Dhoni chuan, "Run 170 vel chauh kan siamtir a, a nihna tak sawi chuan inkhel bul kan ṭan fuh thawkhat hle tihna a ni.

"Mahse, run siam kan harsat thung. Target umphak tur kan nei a nih chuan, chumi mila kan chet pawh a ngai. Kan khelh dan kha uluk takin en let ila, holam taka chet kan ngah," tiin a sawi.

Team 10 inel zingah SCK hi pakuana an ni mek, an hnuaiah hian match kua aṭanga vawi khat chiah chak ni hmel la hmutu Mumbai Indians chauh an awm. Vawi thum champion tawh Mumbai hian beisei an nei tawh lo.

Zanin dar 7:30 hian hmahruaitu Gujarat Titans leh Mumbai Indians hi an inkhel ang. GI hi team thar ni mah se an inthlahrung lo, match 10 aṭangin vawi riat ngawt hnehna an chang tawh a ni.