Andy Murray a inhnukdawk

Damlohna vangin Andy Murray chu Madrid Open aṭangin a inhnukdawk, nizan khan world number 1 Novak Djokovic nen inkhel tur an ni a, a inlan theih loh avangin Serbian star hi inkhelh hah ngai loin quarterfinal-ah a lut.

Inelna buatsaihtu lam chuan thuchhuah siamin, "Vanduaithlak takin Andy Murray chu Manolo Santana Stadium-ah a rawn inlan thei lo, dam leh thuai turin duhsakna kan hlan," tiin a sawi.

Murray hian a match hmasa lamah player ṭha pahnih - Denis Shapovalov leh Dominic Thiem te a hneh. Clay court-ah khel ṭhain beisei han nei sang viau mah se a damloh miau avangin a thleng sang thei lo.

Kum 34 mi Murray hian a tirah chuan clay court season hman a tum lo, thuchhuah pawh a siam hman. Madrid Open hian duhsak takin wildcard an pe, duhsak tlakin khel mah se a vanduai a ni.