Brazil leh South Korea inkhel dawn

Qatar World Cup inbuatsaih nan Brazil leh South Korea ten friendly match an khel dawn, ram pahnih hi June 2 hian an intawng ang. An inkhelh tur thu hi Nilaini zan khan puan chian a ni.

Korea Football Asso-ciation chuan thuchhuah siamin, "Brazil nen kan inkhelh tur hi kan dinhmun enfiahna hun ṭha a ni dawn a, a bik takin kan ṭhatna leh ṭhat tawk lohna lai zirchian nan kan hmang ang," an ti.

Asian ram Korea hian Brazil bakah June thla chawhma lam hian Chile leh Paraguay an hmachhawn dawn bawk. World Cup-ah chuan Portugal, Uruguay leh Ghana te nen group H-ah an awmho.

World number 29 Korea hian a vawi 29 nan World Cup an khel dawn a, a zawnin vawi 10 an inlanna tur a ni dawn bawk. World Cup khel ngun tawh viau mah se, knockout stage erawh vawi hnih chiah an la lut.

Qatar-ah hian Son Heung-min hoin an inlan dawn. Tottenham Hotspur forward hi Premier League hmatawng hriam berte zinga mi a ni a, team tan thlamuanpui tham a ni dawn.