European Athletics president a thi

Inrinni khan European Athletics president Svein Arne Hansen chu a thi a, kum 74 mi niin March thla aṭanga natna a tawrh stroke chu a thih pui ta a ni.

Norway mi Hansen hi 2015 khan European Athletics president atan thlan a ni, a thih ni thlengin a hna hi a chelh. March thla khan a damlo ṭan a, a natna hian thlah loin Inrinni khan Oslo-ah a hun tawp a hmang.

President lailawk Dobromir Karamarinov chuan, "Hruaitu ropui, hmathlir nei ṭha leh midang hneh thei tak a ni. Infiammi zawng zawngte tan ṭhian ṭha a ni a, athletic chhungkua chuan mi bik kan chan a ni," a ti.