RVL leh Hunthar an chak

Central YMA leh Cricket Association of Mizoram buatsaih 11th Inter Branch Cricket Tournament-ah Ramhlun Venglai leh Hunthar te chuan nimin khan an khingpui hnehin semifinal an lut. Vawiin hian Sihhmuiah semifinal pahnih khelh a ni leh dawn.

Chawhma dar 9:00-ah Chaltlang leh Chanmari an inkhel ang a, tlai dar 1:00-ah champion rinkai zinga mi Durtlang leh champion hmasa ber Armed Veng te an inkhel ang.

RVL nge nge
Champion lai Ramhlun Venglaiin bul ṭan ṭha lo mah se Sihhmuiah erawh an theihna tak an pholang. RVL hian Zemabawk lakah 155 runs an siam a, F. Vanlalmuanzuala'n 42 runs a siam.

Zemabawk tan target a sang mah mah a, RVL bowler B. Laltlanmawia'n 16 runs chauh pein wicket li a lak bawk avangin Zemabawk hian 61 runs-in an chhanglet. Player ṭha tamna RVL hi 94 runs-in an chak.

Hunthar an chak
Hunthar leh Luangmual ten semifinal-a RVL khingpui tur an zawng zui a, Huntharin 35 runs-in hnehna an chang. Ṭhumvawra vannei Huntharin bat hmasak an thlang a, 76 runs an siam tihin an thi vek.

Luangmual hi chak turin an dinhmun ṭhaah ngaih theih mah se Hunthar player F. Malsawmtluanga chuan wicket ruk lain 13 runs chauh a pe. F. Malsawmtluanga hian 14 runs siam bawk avangin a phu ang ngeiin man of the match-a thlan a ni.

Quarterfinal
Vawiin Inkhel Tur
Chaltlang 09:00 AM Chanmari
Durtlang 01:00 PM Armed Veng

Nimin Inkhel Results
Ramhlun Venglai bt Zemabawk
Ramhlun Venglai 94 runs in an chak
MoM : B Laltlanmawia, Ramhlun Venglai

Ramhlun Venglai 155/6 (20)
F Vanlalmuanzuala 42 (28)
Vanrotlinga 35 (34)
Nelawma 29/3
Ngurthansanga 19/2

Zemabawk 61/10 (17.2)
William Rinawma Pachuau 18 (21)
Nelawma 8 (17)
B Laltlanmawia 16/4
F. Lalruatfela 4/2
Hunthar bt Luangmual
Hunthar 35 runs-in an chak
MoM : F. Malsawmtluanga, Hunthar

Hunthar 76/10 (19.5)
Lalrinsanga 18 (22)
F Malsawmtluanga 14 (12)
Zaithanmawia 10/3
Saidingliana Sailo 6/2

Luangmual 41/10 (13.1)
James Lalrinzuala 10 (12)
Saidingliana Sailo 7 (19)
F Malsawmtluanga 13/6
Moses Ramhlunmawia 6/2