Ronaldo-a'n goal engzat nge a khung dawn?

Manchester United-in zanin dar 10:00 hian Brighton & Hove Albion an hmachhawn dawn. Ralf Rangnick-a hote tan Champions League khelh a beiseiawm tawh lo a, Cristiano Ronaldo erawhin top scorer nih a la beisei thei thung.

Kum 37 mi Ronaldo hian match 29 aṭangin goal 18 a khung a, Portuguese forward chungah hian Mohamed Salah (Pld 32, 22 goals) leh Son Heung-min (Pld 31, 19 goals) te chiah an awm.

Man United-in match hnih chauh khelh tur an neih tawh avangin Ronaldo tan top scorer nih a har tawh dawn a, chutihrualin goal 20 erawh a beisei thei thung. Portuguese forward hian Brighton lakah en bik a hlawh ang.