MCA-in a thlawnin Chess Coaching kalpui dawn

Mizoram Chess Asso-ciation (MCA) chuan naupang kum 17 chin hnuai lam tan Basic Chess Coaching man chawi ngai loin a buatsaih dawn a. Chess zir duh tan MCA Office, Aijal Club (Room No. 501, 5th Floor) aṭangin 1:30 – 6:00 pm chhungin a lak chhuah theih a, MCA official facebook group/page 'Mizoram Chess Association (MCA)' aṭangin download theih a ni bawk.

Coaching hi kar khatah vawi hnih (Thawhlehni leh Ningani) neih ṭhin tur a ni, school ban hun a inrual loh avangin ni khatah hian ṭum thum neih ni ang. Coaching hi 1:30-2:30 pm, 3:00-4:00 pm leh 4:30-5:30 pm ah te neih a ni dawn a, duh thlan theih a ni ang.

Dilna hi May 21, 2022 ral hmain MCA Office-ah emaw mizoramchessasso@gmail.com ah emaw thehluh/thawn hman tur a ni ang a, May 24, Thawhlehni tlai aṭangin Coaching hi neih ṭan tur a ni.