Vawiinah Junior Football C'ship semifinal

Hnahthiala khelh mek Inter District Junior Football Championship 2022 semifinal chu vawiin hian khelh a ni dawn. Chawhma dar 11:00-ah Kolasib leh Lawngtlai an inkhel ang a, tlai dar 2:00-ah Siaha leh Aizawl te an inhmachhawn ang.

Inelnaah hian MFA hnuaia district 11 an tel vek. Kolasib hian semifinal lut turin Khawzawl (4-2) leh Lunglei (2-1) in an hneh a; goal ruk hi player panga khung a ni. Lawngtlai hian match hmasa berah inelna thlengtu Hnahthial 1-0 in an hneh a, Mamit 6-1 in an hneh. Hnathial laka chakna goal khungtu Ricky Vanlalhriatsanga leh Mamit laka hattrick siamtu V. Lalhmingmuana te chu Lawngtlai innghahna tur an ni ang.

Aizawl khingpui tur Siaha-in Serchhip (3-2) leh Saitual (4-1) in an hneh a, inkhel pahniha goal khungtu John Litas-a'n hmun pawimawh a chang ang. Aizawl erawh an group-ah Champhai chauh an awm a, ṭum hnih inkhelin aggregate-ah 6-1 in a chak. Goal ruk zinga goal hnih hi Amosa Vanlalruata khung a ni a, Siaha lakah fiahin an awm ang.

Semifinal - Vawiin Inkhel Tur
Kolasib 11:00 AM Lawngtlai
Siaha 2:00 PM Aizawl

Final - May 9, Thawhṭanni