Hunthar hmaah Tuichangral
Pro Volleyball 2022 khelh ṭan a ni a, zanin dar 8:30 hian R. Dengṭhuama Hall, Mualpuiah inkhel pakhat a awm leh dawn. Vawi hnih champion tawh, sulhnu nei ṭha ber ni bawk Hunthar hmaah final la lut lo Tuichangral an ding dawn.
Hunthar coach VL Malsawma Renthlei chuan, "Kan player an la inkhairual tawk lo," tiin a ṭawng fimkhur hle. Tawnhriat nei ṭha Remsangzuala, Laldensanga leh Ramnunfela te an la kawl a, player chhuak thar leh naupang zawkte nen a chhawr kawp ang.
Kum 2018 leh 2018 khan Hunthar hian a zawnin PVL nomawi an chawi, vawi hnih champion thei awmchhun an ni. Inelna hnuhnung berah erawh kha chuan final an lut phak lo, kuminah hian team ṭha zingah an tel leh phak tura ngaih a ni.
Hunthar hian team tichak turin, Haryana aṭangin 6ft 2in a sang Gagan Kumar an la lut a, kum 22 mi hian Under 23 Asian Championship-ah India aiawhin silver medal a la tawh, tualchhung inelnaah eng nge a tih theih kan hmu dawn.
Aizawl khawpui pawn aṭanga team awm chhun Tuichangral hian player naupang an ngah, inelna neih hnuhnung ber 2019 khan semifinal an lut phak. Chawhruala team naupang ber ni mah se an zam bik dawn lo.
Tuichangral coach Eric Lalsangliana Pautu chuan, "Sang tak thlen tumin kan inpuahchah, mipui rin danah champion thei tur khawpin kan boruak lian zo lo mah se kum ṭha hmangin mipui barakhaih ngei tumin ngawrh takin kan inpuahchah," a ti.
PVL Fixtures Thar
League Round
MIPA
May 07, Inrinni
Hunthar 08:00 PM Tuichangral
May 09, Thawhṭanni
Chhinga Veng 08:00 PM TNT
May 11, Nilaini
Durtlang North 08:00 PM Hunthar
May 12, Ningani
Tuichangral 08:00 PM TNT
May 16, Thawhṭanni
Chhinga Veng 08:00 PM Hunthar
May 17, Thawhlehni
Durtlang North 08:00 PM Tuichangral
May 19, Ningani
Hunthar 08:00 PM TNT
May 20, Zirtawpni
Chhinga Veng 08:00 PM Tuichangral
May 21, Inrinni
Durtlang North 08:00 PM TNT
Semifinal - Mipa
May 24, Thawhlehni
League 1st Pos 08:00 PM League 4th Pos
May 25, Nilaini
League 2nd Pos 08:00 PM League 3rd Pos
Final - May 27, Zirtawpni
HMEICHHIA
May 10, Thawhlehni
Durtlang 03:00 PM Kanan
Bethlehem VT 08:00 PM Bungkawn
May 13, Zirtawpni
Kanan 03:00 PM Bethlehem VT
Bungkawn 08:00 PM Durtlang
May 18, Nilaini
Bungkawn 08:00 PM Kanan
May 23, Thawhṭanni
Durtlang 08:00 PM Bethlehem VT
Final - May 26, Ningani