Warner-a'n Delhi Capitals a chakpui

Delhi Capitals chuan playoff khelh beiseina chhi nung turin Ningani zan khan Sunrisers Hyderabad chu 21 runs-in an hneh. Opener David Warner chuan ball 58 lekah thi loin 92 runs a siam a, Delhi-in 207/3 runs an siam. Hyderabad hian 186/2 chauhin an chhanglet a, Nicholas Pooran (62) leh Aiden Markram (42) te chet ṭhatin danglamna a thlen pha lo.

IPL 15-ah hian team 10 an awm a, match 14 ṭheuh an khel dawn. Playoff khel turin a sang pali an tling dawn a, pakhatna leh pahnihna ten qualifier 1 an khel ang a, a chak zawkin final an lut ang. Pathumna leh palina ten eliminator an khel ang a, a chak zawkin qualifier 1-a chak lo zawk nen final khel tur an zawng leh dawn a ni.