Djokovic te an inkhel zel

Hri leng vanga tennis inelna mumal a awm theih loh laiin Novak Djokovic leh player ṭhenkhat chuan Adria Tour an khelh chhunzawm zel a, a thawh hnihna an khel zo fel ta.

Adria Tour hi ATP leh WTA hnuaia inelna pangngai a ni lo, world number 1 Djokovic-a'n coronavirus len nasat laia tournament a buatsaih chawp a ni a, thawh thuma khelh leh tur niin Zirtawpni zan aṭanga nizan thleng khan thawh hnihna an khel.

Inelna hi Zadar, Croatia-ah neih a ni a, a hmunah entu an ṭhahnem ang reng hle. Djokovic-a'n amah ang bawka Serbian player Pedja Krstin chu 4-3, 4-1 in a hneh a, a hnuah tualchhung tlangval Borna Coric 4-1, 4-3 in a hneh leh bawk.

June 27-28 hian a hmawr bawkna leh thawh thumna ni bawk chu Montenegro-ah khelh a ni leh dawn, player inlan pariatte chu group pahnihah ṭhen hran an ni a, an inkhel kual hnuah a sang pahnih ten final an khel ang.