Champion turin ka lo kal - Serena

Kum 2017 Grand Slam tournament hmasa ber Australian Open chu tukin zing khan Melbourne Park, Melbourne-ah khelh ṭan a ni. Serena Williams chuan hneh­na chang tur leh champion nomawi hawn ngei tura inelna a hmachhawn tur thu a sawi.

American star Serena hi a champion a nih chuan Open Era bikah hmeichhe major title chawi hnem ber a ni ang - tunah hian vawi 22 champion tawh Steffi Graf nen an intluk mek.

Kum 35-a upa Serena chuan, "He hmunah hian hnehna chang tur leh nomawi chawi turin ka lokal," a ti. Serena hi Melbourne-ah hian vawi ruk a champion tawh a, kumina a match hmasa ber atan Thawhlehniah Swiss tleirawl Belinda Bencic a hmachhawn ang.

Australian Open-ah hian nikum khan Angelique Kerber chuan Serena hnehin a vawi khat nan a champion. World number 1 Kerber hi kuminah seeded pakhatna niin a match hmasa ber atan world number 61 Lesia Tsurenko nen an inkhel dawn a ni.

Australian Open First Round
Vawiin Inkhel Tur Langsar
Mipa
9:30 AM Murray vs Marchenko
9:30 AM Cilic vs Janowicz
7:30 AM Isner vs Kravchuk
Hmeichhia
5:30 AM Halep vs Rogers
1:30 PM Kerber vs Tsurenko