Sydney International champion Konta

Johanna Konta chuan Australian Open khel tura a inbuatsaihna hnuhnung ber Sydney International final-ah Agnieszka Radwanska hnehin champion nomawi a chawi.

Zirtawpni zana final khelhah world number 9 Konta hian 6-4, 6-2 in hnehna a chang. Britain number 1 hian WTA tour title pahnih a lakna chiah a ni.

Kum 25-a upa Konta chuan, "Ka pianna hmunah ngei ka champion thei hi ka lawm a, ka tan chuan he lai hi hmun pawimawh bik a ni," tiin a sawi.

Konta hi Sydney, Australia a piang a ni a, kum 2008-2012 chhung kha chu a pianna ram tan a inlan ṭhin. Hemi hnuah erawh Britain tan a inlan zui ta zawk a ni.