Bayern-ah player thar pahnih

German champion Bayern Munich chuan Bundesliga lama an elpui ni mek Hoffenheim aṭangin Germany inter­national pahnih Sebastian Rudy leh Niklas Sule te an lalut.

Defender Sule hian kum nga daih contract a ziak a, German defender hi Lammualah a inkhel tawh. Kum 21-a upa Sule hi feet ruk leh inches nga zeta sang a ni a, Mizoram XI leh Hoffenheim inkhelh ṭumin tlarhnung aṭanga chak takin thui tak ball a rawn khalh chhuak a, entu Mizo mipuiin an lawm hle.

Kum 26-a upa Rudy erawh Hoffenheim-in Mizoram rawn tur zingah a hming tel mah se 2014 FIFA World Cup probables squad-ah telh a nih avangin a rawn zin ta lo a, German midfielder hian Bayern-ah kum thum daih a ziak thung. Player pahnihte hian tun season chhung chu Hoffenheim tan an khelh chhunzawm rih ang a, nipui chawlh hunah Bayern an zawm ang.

Bayern Munich execu­tive board chairman Karl-Heinz Rummenigge chuan, "Germany interna­tional pahnih lakluh hi club tan nakinah a la ṭha dawn a, anni pahnih hi hmabak êng tak nei an nih avangin kan club tana an khel tur hi a lawmawm hle," tiin a sawi.

Carlo Ancelotti naute hian thlasik chawlh an hmang mek a, Zirtawpni hian kumina an league match hmasa ber atan Frei­burg an hmachhawn ang.