Valencia zawmtu Zaza

Juventus striker Si­mone Zaza chuan West Ham chhuahsanin Spanish club Valencia chu tun season chhung atan loan hmangin a zawm.

Kum 25-a upa Zaza hi Juventus player a ni a, nipui transfer lai khan Turin club aṭang hian loan hmain Hammers hi season khat chhung atan a zawm. Premier League club tan beisei a phak lo a, match 11 a kheh aṭangin goal a khung lo.

West Ham hian an duh a nih chuan season tawpah Zaza hi a nghetin an lalut thei dawn a, an beisei anga goal a khung loh avangin a loan hun chhung pawh in­rem­siamin an titawi ta zawk.

Italy forward hian kum 2015 khan Sassuolo aṭangin pound maktaduai 12.75 in Turin club hi a zawm a, inelna hrang hrangah match 24 khelin goal riat a khung tawh.