Mercedes car khalh tur Bottas

Formula 1 team ṭha ber ni mek Mercedes chuan seaon thara an car khalh turin Valtteri Bottas an thlang. Lewis Hamiltona teammate thar tur Bottas tan hian a hna thar hi a awlsam dawn lo - a thlak tur hi champion chunga chawl ta Nico Rosberg a ni.

German driver Rosberg-a'n cham­pion nomawi a chawi aṭanga kar khat pawh a liam hmain car intlansiak inelna sang ber a chawlhsan thu a puang a, a hmunruak hnawhkhat tur zawn hi thil awlsam a ni lo, nikum December thla aṭanga an ngaihven tawh Bottas hi an lalut chiang har hle, kum 27-a upa Bottas hian season li chhung Williams car a lo khalh tawh.

Mercedes driver tur hian Fernando Alonso, Daniel Ricciardo, Max Verstappen leh Sebastian Vettel te hming lam rik ni mah se beisei loh Bottas an lalut a, a chungah beisei an nei sang hle ang tih a chiang.