Saina-i'n nomawi a beisei

World number 1 hlui Saina Nehwal chuan tunkar chhunga khelh tur Malaysia Masters-ah nomawi chawi theih a inbeisei thu a sawi chhuak.

London Olympic bronze medalist Saina hian Premier Badminton League (PBL) khelh zawh takah khan inkhel vawi thumah hnehna a chang a, Olympic champion Carolina Marin a hneh loh bakah semifinal inkhel pawimawhah PV Sindhu a hneh lo bawk.

Kum 26-a upa Saina hi Rio Olympic-a a hliam zai a nih hnuah inkhel leh thei tawh mah se beisei a la phak lo a, eng inelnaah mah a la champion leh lo.

Saina chuan, "Ka hun a la liam lo, he hmunah hian nikum khan hlawhtlinna ka lo chang tawh a, kuminah pawh ka nomawi humhim theih ngei ka beisei," tiin a sawi.