Vawiinah Junior Football C'ship final Kolasib Vs Siaha

Inter District Junior Football Championship 2022 final chu vawiin chawhnu dar 1:00 hian Hnahthialah khelh a ni dawn a, Kolasib leh Siaha te an inhmachhawn ang.

Inrinni khan semifinal khelh a ni a, inkhelh pahnihah extra time khelh a ṭul ve ve a, an intluk tawk bakah a hmuhnawm takzet. Inkhel hi YouTube 'Lushai Production'-ah a en theih.

Kolasib leh Lawngtlai inkhelah hun panngaiah goal a lut lo. Extra time ṭan chiahah ding lam aṭanga cross ball ṭha bik chu keeper-in khawih pha loin Nicky Lalnunfela'n a tauh goal a, goal dang a luh belh lo.

Semifinal hnuhnung zawkah Siaha-in goal an khung hmasa a, keeper a chhuah sual avangin vei lam aṭanga cross ball chu Elisa Lalchamliana'n keeper awm lohna goal-ah a tauh lut.

Aizawl an vannei a, injury time-ah Jonathan Lalfakawma'n corner aṭanga ball kal chu a tauh goal. Extra time khelh zui a ni a, minute 11-naah Keneth B. Beihropakhai-a'n box pawn aṭangin ṭha zetin a pet goal a, chakna goal a ni zui bawk.

Kolasib leh Siaha ten an inkhelh tawhnaah team ṭha an ni tih an lantir a, final-ah pawh chak tur hriatthiam a har. Inkhel hmuhnawm tak an chhawpchhuah beisei a ni.

Semifinal - May 7, Inrinni
Kolasib 1 - 0 (a.e.t) Lawngtlai
KOL : Nicky Lalnunfela 91'
Siaha 2 - 1 (a.e.t) Aizawl
SIA : Elisa Lalchamliana 43'; Keneth B. Beihropakhai 112'
AIZ : Jonathan Lalfakawma 90+2'
Final - Vawiin Inkhel Tur
Kolasib 1:00 PM Siaha