French Cup champion Nantes

Nantes chuan Coupe de France champion turin Inrinni zan khan Nice 1-0 in an hneh. Stade de France-a inkhelah hian Ludovic Blas chuan minute 47-naah penalty aṭangin goal awmchhun a khung.

French Cup-ah hian Nantes hi vawi li an champion tawh a, an champion hnuhnun ber chu kum 2000 daih tawh kha a ni. Tun ṭum final-ah hian Nantes leh Nice te hi an intluk tawk a, ball-in Nice player Hicham Boudaoui kut a per avanga penalty chawi chu team pahnih danglamna a ni.

Nantes hian nomawi an chawi avangin season tharah Europa League an khel dawn a, kum 2001-a Ligue 1 an champion hnua Europe inelnaa an tel lehna hmasa ber tur a ni ang.

Tun hnaiah Paris St-Germain-in France rama inelna an thunun a, tun ṭum hi kum 2014 hnua French Cup final-a PSG tel lohna hmasa ber a ni. Kumin January khan finalist Nice hian PSG hi penalty shootout hmangin an hneh.