Vawiinah India inkhel dawn

England nena ODI series khel mek India chuan vawiin chawhnu dar 1:30 hian England chu series match hnihna an khelhpui leh dawn. Inkhel hmasa zawkah India hian run 350 tehmeuh an um chungin Virat Kohli leh Kedar Jadhav chet ṭhat chhawr ṭangkaiin hnehna an chang ta tho a ni.

Barabati Stadium, Cuttack-a inkhel turah hian Virat Kohli chet ṭhat bawk a pawimawh lehin a rinawm a, India captain thar hian inkhel hmasa zawkah 64/3 an nih laiin hruaitu ṭha a nihna a lantir a, a dinpui Jadhav nen century an siam ve ve - English bowler ten anni pahnih hi an ven uluk a ṭul khawp ang.

ODI series hi match thum khelh tur a nih avangin England hian hnehna an chang zo lo leh a nih chuan India-in series an la tawh dawn a, January 26-a an inkhel tur hi 'final' a nih theihna tur chuan England tan chak a ṭul.