Instagram vanga pawisa chawi Sagna

Manchester City defender Bacary Sagna chu instagram lama a thil tarlan avangin Football Association chuan £40,000 chawi turin hrem. Kum 33-a upa defender hian Premier League-a Burnley 2-1 a an hneh hnu lawkah "10 vs 12" tih a tarlang a, FA chuan pawisa an chawitir phah ta a ni.

January 2-a inkhelah hian referee Lee Mason chuan City midfielder Fernandinho chu minute 32-naah a hnawt chhuak a, referee thutluknaa lungawi lo Sagna hian instagram lamah referee tih elna hi a lo tarlang hmanhmawh.

FA chuan Sagna hian a thil tarlan hi rang takin paih bo leh mah se match official te zahawmna a ti bawrhbang a ni tiin France international an hrem chhan hi an tarlang a, a hma hun zel atan a nungchanga fimkhur tawh turin hrilh a ni bawk.