Indian shuttler an che fuh

Badminton season thar hawnna Malaysia Masters Grand Prix Gold badminton tournament-ah Indian shuttler Harsheel Dani, Pratul Joshi leh Hemanth M. Gowda te chuan Thawhlehni khan an match hmasa ber kelin hnehna an chang vek.

Kum 29-a upa Harsheel hian darkar khat leh a chanve chhungin Malaysian tlangval Zii Jia Lee chu 21-19, 21-17 in a hneh. Indian tlangval hian nikum khan Syed Modi International Grand Prix Gold quarterfninal a lut tawh bawk.

Inkhel dangah Bahrain International title kawltu Pratul chuan inkhel hautak takah Zin Rei Ryan Ng 15-21, 21-16, 24-22 in a hneh a, Hemanth M. Gowda chuan second round lut turin Yehezkiel Fritz Mainaky 21-14, 21-15 in a hneh ve bawk.