Inkhel hmuhnawmah Durtlang an vannei

10th May, 2022

Central YMA leh Cricket Asso-ciation of Mizoram buatsaih 11th Inter Branch Cricket Tournament semifinal chu nimin khan Suaka Cricket Ground, Sihhmuiah khelh a ni a, champion lai Ramhlun Venglaiin harsatna nei loa final an luh laiin Durtlang erawhin Chaltlang hneh turin vanneihna an mamawh thung.

Semifinal hmasa zawkah Huntharin vawm hmasak an thlang a, vawi li champion tawh Ramhlun Venglai tan opener Hruaia (73) leh C. Vanlalhruaia (43) te an che ṭha a, chak turin an dinhmun a ṭha. RVL middle order-te che ṭha chhunzawm lo mah se over 20-ah 150/7 runs an siam avangin Hunthar tan tih theih a tlem.

Hunthar opener B. Lalnunfela'n 31 runs siam mah se batter dangte RVL bowler Lalrinfela Zadeng lakah an thamral. Lalrinfela Zadeng hian wicket li lain run riat chauh a pe a, Hunthar hi over 15-ah 64 runs chauh siamin an thi fek. RVL hi 86 runs-in an chak.

Durtlang leh Chatlang ten semifinal hnuhnung zawk an khel a, ṭhumvawra vanduai zawk Chatlangin an bat hmasa. Chatlang tan top order Bobby Zothansanga (17), Lalrindika (14) leh H. Lalrinkima (10) te an che chhe lo a, over 20-ah 107/7 runs an siam.

Durtlang tan target harsa ni lo mah se batter chhuanvawr Lalhruaizela'n 25 runs a siam hnuah Lalhriatrenga (12), Zothanzuala (2) leh K. Vanlalruata (0) ten run tam an siam lo. Chatlangin chak theihna hun ṭha an nei a, amaherawhchu 'extras' an pek tam an tuar.

Hun harsaah Durtlang tan Henry a rawn che ṭha a, ball 26 hmachhawnin 19 runs a rawn siam a, Malsawmdawngzela'n ball 14 aṭangin 11 runs rawn siam bawkin ball nga dah bangin 107/7 runs an siam a, hnehna an chang hram.

CYMA Cricket - Thlirna Tawi
Final - May 11, Nilaini
Ramhlun Venglai 11:00 AM Durtlang

Semifinal - May 9, Thawhtanni
Ramhlun Venglai bt Hunthar
Ramhlun Venglai 86 runs-in an chak
MoM : Lalrinfela Zadeng, Ramhlun Venglai
Ramhlun Venglai 150/7 (20)
Hruaia 73 (48)
C. Vanlalhruaia 43 (37)
Lalhruaitluanga Vuite 26/2
Vanneitluanga 33/2
Hunthar 64/10 (15)
B. Lalnunfela 31 (25)
Lalduatliana 6 (4)
Lalrinfela Zadeng 8/4
F. Lalruatfela 5/2

Durtlang bt Chaltlang
Durtlang wicket thumin an chak
MoM : Lalhruaizela, Durtlang
Chaltlang 104/9 (20)
Bobby Zothansanga 17 (19)
Lalrindika 14 (26)
Lalramnunsiama 6/4
Lalthansanga 10/1
Durtlang 107/7 (19.1)
Lalhruaizela 25 (29)
Henry 19 (26)
Lalramnunsiama 6/4
Lalthansanga 26/2