Chennai-in Delhi an sawp

Pathianni zan khan Chennai Super Kings-in Delhi Capitals chu 91 runs-in an hneh a, inkhel dangah Royal Challengers Bangalore-in 67 runs-in Sunrisers Hyderabad an hneh bawk. League round tawp nan match thum khelh tur a la awm a, Mahendra Singh Dhoni hoten beiseina an la nei ve zel.

Navi Mumbai-a inkhelah Delhi-in vawm hmasak an thlang a, an tisual. Chennai tan Devon Gonway (87), Ruturaj Gaikwad (41), Shivam Dube (32) leh MS Dhoni (22) te an che ṭha a, over 20-ah 208/6 runs an siam.

Delhi tan target a sang mah mah a, run rate tih ṭhat an tumna lamah wicket an hloh nasa. Over 17.4 lekah 117 runs chauh siamin an thi fai vek.

Zanin dar 7:30 hian Lucknow Super Giants leh Gujarat Titans te an inkhel dawn a, IPL club thar pahnih hian match 11 aṭangin point 16 ve ve hmuin hmahruaitu nih an inhchuh ang.