Sheffield United an chak

Nilaini zan Premeir League inkhelah Sheffield United-in injury time-a John Egan-a tauh luh hmangin Wolverhampton Wanderers 1-0 in an hneh. Blades hian Inrinni zanah patumnaa awm Chelsea an mikhual ang Coronavirus hnuah Wolver-hampton rawn che ṭha mah se Bramall Lane-ah erawh Sheffield United tlarhnung khauh tak an paltlang thei lo. Wolves tan Ruben Neves-a'n freekick aṭangin cross bar a pet per a, amaherawhchu goal an khung theih loh avangin point an hlawh chhuak lo a, Champions League khelh beiseina pawh a thamral ṭan.

Sheffield-in pasarihna dinhmun an luah a, parukna Wolves aiin point khat chauhin an hmu tlem. Blades leh Wolves hi club lian dang Arsenal leh Tottenham Hotspur te nen Europa League khelh an inchuh a, heng club zinga che ṭha fal tan Champions League khelh beisei dan a la awm bawk.