Depay manah Lyon leh United inrem

Manchester United chuan an winger Memphis Depay chu Lyon hnena hralh an remti. United hian French club hi pound maktaduai 16-in inremna an siampui a, Lyon hian Champions League an khelha Dutch winger hian contract thar a hlawh chhuak thei a nih bawk chuan a man zat hi pound maktaduai 21.7 thlengin a sang chho thei ang.

Kum 22-a upa Depay hian May 2015 khan PSV Eindhoven aṭangin United hi pound maktaduai 25-in a zawm a, a chet ṭhat dan a zira pound maktaduai 31 thlenga sang chho thei tura ruahman ni mah se beisei a phak loh avangin United tan pound maktaduai 25 bak hi pek belh a ngai tawh lo ang. Red Devils tan vawi 53 inlana goal sarih khungtu hi United hian an duh a nih chuan an la let thei ang a, Lyon hian an hralh a nih chuan hlawkna tel tur an nei ve thei dawn bawk a ni.