Jesus-a'n Manchester City a zawm ta

Brazil rawlthar duhawm Gabriel Jesus chuan Manchester City a zawm fel ta a, kartawp Premier League-a Tottenham nen an inhmachhawn hunah Pep Guardiola tan inkhel tura thlan theih a ni tawh.

Kum 19-upa Jesus hian nikum nipui lai khan Palmeiras aṭangin pound maktaduai 27 in City hi a zawm a, an inremna angin Brazilian club tan hian nikum chhung kha chu a khel zui rih a, kum 1994 hnua a vawi khat nan Brazilian league title a lakpui.

Jesus chuan, "Manchester City tan nomawi chawi ka duh, he club chhunga manager leh palyer-te hi champion thei turin an ṭha tawk a, chu chu ka pan chhan pawh a ni," a ti.

Kum 2013 khan Jesus hian Palmeiras a zawm a, club acade­my record siam turin match 48-ah goal 54 a khung. Senior team tan inelna hrang hrangah match 83 a khelh aṭangin goal 28 a khung tawh bawk.