Sum hai lut hnem ber Manchester United

Deloitte zirchiannaa a lan danin Manchester United chu season liam taa sum la lut hnem ber an ni. English club hian hmahruaitu ni turin kum 11 chung sum hai lut hnem ber dinhmun luahtu Real Madrid an paih thla a, Spanish club Barcelona chu pahnihna niin Real hi pathumnaah an awm.

Deloitte hi khawvela 'accounting firm' lian pali zinga mi a ni a, an zir­chianna pawh hi rintlak viau tura ngaih a ni. Thutlukna siam turin Deloitte hian matchday-a sum lakluh, broadcast rights leh sum­dawnna dang aṭanga club sum lakluh aṭangin an en a, player transfer chhiar tel a ni lo.

Manchester United hian kum 11 hnua hmahruaitu ni turin 2015-16 season chhung khan euro maktaduai 689 (£515m) an la lut a, season khata lakluh tam ber record a ni. United sumdawnnaa sum chevel hi euro maktaduai 100 (£71m) laiin a pung a ni.

United khaw ṭhenawm Manchester City pawh a vawi khat nan a sang pali zingah an lang tel a, English club hrim hrimin hma an sawn bawk. 2015-16 season chunga Premier League club 20 te an sum hailuh punna zat chu euro tluklehdingawn 7.4 (£6.41bn) niin 12% laiin a pung a, record thar a ni.