Thunder chungah Golden State Warriors

Golden State Warriors chuan nimin zing khan an mikhual Oklahoma City Thunder chu 121-100 in an hneh. Golden State hian NBA regualar season kal mekah vawi 36 hnehna an channa chiah a ni a, vawi ruk chak loh an nei tawh - an khelmualah bik hian hneh loh an la tawng lo.

Oracle Arena-a inkhelah Kevin Durant chuan Warriors tan a vawi khat nan point 40 a score tling, Ameri­can star hian rebounds vawi 12 a lak bakah assists vawi li neiin hnehna an chan theih nana player pawi­mawh leh ṭangkai a ni chiang hle.

Golden State tan hian a dan pangngaiin MVP Stephen Curry hmuh hmaih theih a ni lo. American guard hian point 24 score-in assists vawi riat a nei bawk. Season kal meka player langsar ni phak Dray­mond Green chuan tun season-a a vawi sawmpathum nan double-double a nei - point12 a score bakah rebound vawi 10 a la.

Nikum November thla khan team pahnihte hi an lo intawng tawh a, Warriors hian 122-96 in hnehna an lo chang tawh bawk. Regular season kal mekah ṭum hnih dang an la inhmachhawn leh dawn.

Season hmasa NBA finalist Warriors hian Inrinni zing dar 6:00-ah Houston Rockets an lenchilh ang a, Thunder hian January 24-ah Utah Jazz an hmachhawn ve leh dawn bawk.