Arjen Robben a phur

Bayern Munich tana contract ziak thar hlim Arjen Robben chuan team training nuam a tih thu leh khelmuala hmun chang ngei tura inbuatsaih chu nuam a tih thu a sawi chhuak.

Kum 32-a upa Robben contract neih lai hi tun season tawp rual hian a tawp dawn a, tunah chuan kum khat dang atan an pawt sei tawh. Kum 2013 Champions League final-a chakna goal khungtu chelh chhunzawm theih hi chanchin lawmawm a la tling.

Chelsea leh Real Madrid tan pawha khel tawh Robben chuan, "Ka kum tam deuh tawh mah se ka buai phah lo a, inkhehna hmun inchuha inel ve hi nuam ka la ti reng. Kum khat dang ka la neih hi ṭangkai tak leh a nuam thei ang bera hman ka duh," tiin a sawi.

Hliam vanga buai fo Robben hi hun rei tak a chawlh hnuah nikum November thla khan a lo kir a, a hliam dam hnuah league match 10 a kheh aṭangin goal nga a khung leh tawh. Bundesliga hmahruaitu Bayern hian zanin dar 1:00-ah Freiburg an lenchilh ang.