German rawlthar duhawm Havertz-a'n chhuah a duh

Bundesliga-a hming langsar ber pakhat chu Kai Havertz a ni a, kum 21 mi German midfielder agent chuan sawmtu ṭha an awm a nih chuan chhuah an duh thu Bayer Leverkusen an hrilh.

Havertz hian season hman zawh takah Leverkusen tan Bundesliga-ah goal 12 a khung a, inelna dang nen goal 17 a khung. Germany international midfielder hi 6 ft 2in a sang a nih bawk avangin Europe club lian hoin an ngaihven ang. Leverkusen midfielder leh a agent hi Chelsea board lamin an dawr tiha sawi a awm a, London club hian Timo Werner an lak tawh bawk bakah Antonio Rudiger te an awm sa avangin Stamford Bridge hi Havertz-a kal theihna tur zinga mi a ni.

German attacking midfielder Havertz hi Aachen hmar lama khaw pakhatah Mariadorf-ah June 11, 1999  khan a piang a, a pu vangin football lamah a kal a, an chhungkua hi football tui chhungkua an ni.

Havertz-a pu Richard hi Alemannia Mariadorf-ah club chairman a ni a, kum li mi a nih aṭangin Alemannia Mariadorf youth team hi a zawm der tawh a. Kum 2020 khan Havertz hian Leverkusen a zawm a, kum 11 mi chauh a la ni.

Havertz hian theihna a nei sang a, Germany tan pawh vawi sarih a khel tawh. German rawlthar chungchangah Chelsea thawm a ring ber a, Real Madrid leh Bayern Munich te dah bo theih an ni lo.

Chutihrualin Real Madrid tan Havertz la turin player ṭhenkhat hralh chhuah a ṭul a rinawm a, German player ṭha apiang kawl tumtu Bayern Munich pawhin Leroy Sane an lakluh tawh avangin Havertz la turin sum an seng huai tawh lo ang.