Kerber leh Serena an tlang

Champion lai Ange­lique Kerber-i'n Aus­tralian Open khelh meka a match hnihnaah beisei phak lo deuh mah se third round-ah erawh champion zia a chhuah ta. German nula hian nimin khan Czech nula Kristyna Pliskova lakah 6-0, 6-4 a hnehna changin last 16 a lut.

World number 1 Ker­ber hian last 16-ah Coco Vandeweghe a hmachhawn leh ang, American Vandeweghe hian third round in­khel dangah Eugenie Bouchard chu 6-4, 3-6, 7-5 in a lo hneh ve bawk a ni.

Ningani zan Mel­bourne Park-a inkhelah world number 2 Serena Williams chuan Lucie Safarova chu 6-3, 6-4 a hnehin third round a lut ve bawk a, vawi ruk a champion tawhna hmuna hlawhtling turin hmalam a pan zel.

Kum 35-a upa Serena hian hnehna chang turin darkar khat leh minute 25 a mamawh a, second round-a a hneh tak hi kum 2015 French Open final-a a hneh tawh bawk kha a ni, kuminah hian Grand Slam nomawi a chawi belh a nih chuan Open Era bika major title la hnem ber a ni ang.