West Brom player thar Livermore

Premier League club West Brom chuan Hull City aṭangin Jake Livermore chu kum li leh a chanve chhung atan pound maktaduai 10 in an lalut.

Tottenham midfielder hlui hian kum 2014 khan KCOM Stadium hi a pan a, match 144 a khelh aṭangin goal kua a khung sak. Kum 27-a upa Livermore hian Spurs tan match 36 khel tawhin England tan pawh vawi khat a inlan ve tawh.

Baggies hian Watford striker Odion Ighalo an la beisei mek bawk nia sawi a ni. Nigeria international Ighalo hian season hmasa khan a club tan match 42 a khelh aṭangin goal 17 a khung a, tun season-ah erawh match 19 a khelh aṭangin goal hnih chiah a la khung.