Senegal tlangna Sadio Mane goal

Ningani zan khan Liverpool forward Sadio Mane leh Henri Saivet goal hmangin Senegal chuan Zimbabwe 2-0 in an hneh a, 2017 Africa Cup of Nations quarterfinal an lut.

Senegal hian an match hmasa zawkah Tunisia 2-0 thoin an lo hneh tawh a, match hnih khelh aṭanga point ruk hmuin knock out round lut hmasa ber an ni.

Group B inkhel dang­ah match hmasa bera chak lo Tunisa an tho leh, Aissa Mandi-a own goal leh Naim Sliti penalty chhuih luh hmanga Algeria 2-1 a hnehin point thum an hlawh chhuak a, group table-ah pahnihna niin an group match hnuhnung bera Zimbabwe an hma­chhawn hunah point khat an hlawh chhuak a nih chuan quaterfinal an lut ang.