Brazil leh Argentina inkhel ṭha dawn

World Cup qualifier-ah Brazil leh Argentina an inkhelh ṭhat leh a ngai dawn. Ram pahnih hi Qatar pan turin an tling chiang tawh a, mahse qualifier khelh laia match khat an khelh zawh loh chu FIFA lamin khel zo turin a ti.

Brazil khawpuia an inkhelh ṭumin, hripui leng vanga inkaihhruaina chu Argentina player zingah zawm lo an awm. Hei vang hian match tir lam minute nga hnu lekah tih tawp a ni, he inkhel tel lo pawh hian World Cup khel turin an tling tho.

Ram pahnih football hruaitute hian match khelh zawh loh chu khelh tawh loh an duh a, ngenna pawh an thehlut. Mahse FIFA hnuaia zir chiangtu chuan an ngenna hi an pawm lo, pawisa an chawitir bakah inkhel turin thutlukna an siam.

Match khelh hun tur erawh sawi chian a la ni lo. South American ram pahnih hian June thlaah friendly match khelh chu an tum sa, an ruahman sa bakah match dang an khelh belh dawn tihna a ni.