KKR-in playoff beiseina chhi nung

Indian Premier League-ah Kolkata Knight Riders chuan playoff khelh beiseina nei turin Thawhṭanni zan khan Mumbai Indians chu 52 runs-in an hneh.

Mumbai hian vawm hmasak an thlang a, KKR tan top order pathum Venkatesh Iyer (43), Ajinkya Rahane (25) leh Nitish Rana (43) te an che ṭha a, 165/9 runs an siam.

Mumbai Indians tan cheng nuai 1525 man Ishan Kishan-a'n 51 runs siam mah se thlawptu a nei lo a, over 17.3-ah 113 runs siamin an thi fai vek.

KKR hian match 12-ah point 10 an hmu a, match hnih khelh hmabak la neiin palina china awm beiseina an la nei ve lehzel. Kolkata club hian Sunrisers Hyderabad leh Lucknow Super Giants te la hmachhawn dawn.

Zanin hian IPL khelh chhunzawm a ni dawn a, Navi Mumbai-ah zanin dar 7:30 hian Rajasthan Royals leh Delhi Capitals te an inkhel ang.