F1-a kir tur Alonso a hlim

Formula 1 champion vawi hnih ni tawh Fernando Alonso chu season thar hian car intlansiakna sang berah a kir leh dawn a, inelna sang a hma­chhawn leh thei tur chu a lawm thu a sawi.

Spanish tlangval hian 2028 khan F1 hi a chawlhsan a, a chawlh thu a sawi hnuah hian kir leh a hreh loh thu leh hun remchang a nei a nih chuan a hreh loh thu a sawi fo - tunah chuan Renault nen inremna an nei leh ta.

Kum 39 mi Alonso chuan, "Formula 1 huanga ka kir leh thei tur hi ka lawm takzat, ka lawmna ti zual tu chu inrem taka ka kalpui ṭhin tawh Renault nen a nih vang a ni.

"Tun season leh a lehpek hi chu team pakhat emaw pahnihin emaw an la thunun deuh mai thei, a hnu lam erawh team tam tak inelna a ni lehzual tawh ang. Team bakah driver champion nih pawh a harsa zual ngei ang," a ti.

Alonso hian 2005 leh 2005 khan Renault car khalh chungin F1 champion a lo ni tawh a, a hnuah team dang zawm mah se hlawhtlinna ropui a chang nawn lem lo - Renault nen an thawkdun leh tur hian beiseina a siamsak ang.