Mizoram an chak nghal

31st Captain NM Gupta Trophy Football Tour­­nament-ah nimin khan Mizoramin an match hmasa ber an khel a, Satindra Mohan Dev Stadium, Silchar-ah Army Recruitment Corps Centre, Bangalore chu 4-0 in an hneh.

Mizoram tan Lalbiak­hlua'n goal hnih (33', 85'), Lalrammuanpuia (58') leh Lalfakzuala (68') ten goal khat ve ve khungin naktuk dar 1:30 hian ARC, Shillong an hmachhawn leh ang. District Sports Association, Silchar buatsaih inelna hi Mizoramin Santosh Trophy final round inbuatsaihna atan an hmang a, coach Lalsangzuala Hmar hote hian final round lut tur hian Manipur an lo hneh tawh a ni.

NM Gupta Football-ah hian team 10 telin Mizoram hi Group B-ah Arunachal SS (Silchar), ARC (Shillong), ASC Centre (Bangalore) leh Assam Rifles (Shillong) te nen an awm a, group khata a sang pahnihin semifinal an lut ang. Knockout stage hi February 2-ah khelh tur niin final hi February 4-a khelh tur a ni.