Saina Nehwal a champion

Badminton inelna ngaihhlut zinga mi Malaysia Masters Grand Prix Gold-ah Saina Nehwal a champion. Indian shuttler hian nimin khan Pornpawee Chochuwong chu minute 46 chhungin 22-20, 22-20 in a hneh.

Kum 26-a upa Saina hian hliam a neih fo avangin tun hnaiah hlawhtlinna a chang tam tawk lo, nikum Rio Olympic-a a khup hliam zai a nih hnua champion nomawi a chawi lehna hmasa ber niin badmintion a khelh hnuah title 23 a lakna chiah a ni bawk.

Hyderabad nula Saina hi India hmeichhe zinga badminton inelna bika Olympic medal la thei hmasa ber a ni a, kum 2015 April thla kha chuan world number 1 pawh a ni hial - tunah hian world ranking-ah 10-na a ni mek.