Uganda hnehin Egypt an tlang

Africa Cup of Nations khelh mekah sulhnu nei ṭha Egypt chuan substitute Abdallah El goal khung hmanga Uganda 1-0 a hneh­in knock out round an lut a, chak lo Uganda erawh an tla chiang tawh.

Inrinni zan inkhelah Uganda defender Joseph Ochaya goal khung chu offside vangin pawm a ni lo a, beisei anga la khel chhuak lo Egypt hian goal awm loin an inhnehtawk pui dawna a lan hnuah El Said chuan hun tawp hma chiahin chakna goal a khung.

Group D inkhel dang­ah Ghana chuan goal khat faia Mali hnehin quarterfinal an lut chiang tawh a, group hmahruatu nih inchuhin Egypt nen an league round match hnu­hnung berah an inhma­chhawn zui leh ang.

Uganda hian kum 1978 hnua a vawi khat nan Africa Cup of Nations khel ve leh mah se beisei an phak lo hle, match hnih an khelh tawhah point an hmu lo a, an match hnuhnung bera Mali an hamchhawn hunah chak pawh nise beisei an nei tawh lo.